What Are iBeacons? A Complete Guide to Integrating iBeacons with Your iOS App
ايه هي ال iBeacon ؟ دليل كامل لدمجها مع تطبيق iOS
إيه هي ال iBeacons؟
هو جهاز صغير بيستخدم البلوتوث (Bluetooth Low Energy) عشان يرسل إشارات للـ devices اللي قريبة منه، زي الموبايلات. لو الموبايل بتاعك قريب من الـ iBeacon، الجهاز يقدر يبعت إشارات لموبايلك بتحدد مكانك بالظبط ولو التطبيق بتاعك عامل تتبع ل iBeacon معين وعارف ال UUID او ال (Universally Unique Identifier) بتاعه يقدر يعمل action بناء علي مدي قرب موبايلك منه فيقدر يبعتلك إشعار أو يفتح تطبيق أو يديك معلومات بناءً على مكانك.
وانت في نطاق ال iBeacon بيكون ليه proximity بتنقسم لاربع حاجات:
قريب اوي : immediate
قريب : near
بعيد: far
خارج النطاق : unkown
وتقدر تعمل action بناء علي ال proximity زي ما تحب
طيب ازاي بقي نعمل implementation جوا التطبيق بتاعنا؟
كل اللي محتاج تعمله انك تستخدم ال CoreLocation API عشان تتفاعل مع الإشارات دي، وتعرف ال iBeacon بتاعك وتبدا تراقب ال proximity بتاعته وتعمل أي أكشن بناء عليها.
ودلوقتي هرتبلك الخطوات..
١- إضافة صلاحيات التطبيق
أول حاجة، لازم تضيف صلاحيات للوصول للموقع في التطبيق بتاعك سواء وهو شغال او وهو ف الخلفية، علشان تقدر تكتشف الإشارات من الـ iBeacons.
هنضيفهم في Info.plist
٢- إعداد ال CoreLocation وال iBeacon
في الخطوة رقم ١ : بنعمل creat ل locationManager لانه هو اللي بيكتشف الإشارات وهو اللي بيقولي الإشارات دي جايه من انهي iBeacon وهل من ال iBeacon اللي انا معرفه ولالا.
في الخطوة رقم ٢: بعرف ال iBeacon بتاعي وبقول لل locationManager انه هو ده اللي هيتتبعه وهنا عندي ٣ حاجات بعرف بيهم ال iBeacon بتاعي
١- ال UUID
ده id بيعرف مجموعة iBeacons تابعين لشركة معينة او كيان معين.
٢- ال Major
جوا المجموعة اللي فوق ممكن نقسم مجموعات تانيه يعني مثلا لو عندي عمارة وهحط كذا iBeacon لكل دور فهدي لكل دور major معين وهديه لكل ال iBeacons اللي ف الدور ده وبيبقي رقم بس Int
٣- ال Minor
جوا ال major بقي عندي كذا iBeacon هحتاج اميز كل واحد عن التاني فهميزه بال minor وبرضه بيبقي رقم Int
وبناء علي كده لو عندك أكتر من iBeacon في نفس المكان أو في أماكن مختلفة، لازم تضيف إعدادات مختلفة لكل واحد عشان تعرف تفرق بينهم.
ملاحظات:
الـ iBeacons بيحتاجوا بلوتوث مفعّل على الجهاز.
لازم تكون الـ Location Services مفعلّة في الجهاز عشان تقدر تكتشف الإشارات.
اتمني تكون استفدت ولو استفدت متنساش تفيد غيرك ..